കൊട്ടിയടക്കപ്പെട്ട വാതിലിനപ്പുറത്ത്‌
തുളഞ്ഞു കയറുന്ന രോദനങ്ങള്‍
ഇരമ്പലാകുമ്പോള്‍
പറഞ്ഞു തരാനാവാത്ത നോവുകള്‍
ശ്വാസം മുട്ടി മരിക്കുന്നത് നോക്കി
ചുമരുകള്‍ നിശ്വാസം മറക്കാറുണ്ട്
അമ്മ
ചവിട്ടിത്തേക്കപ്പെട്ട തുളസിക്കതിര് കണ്ട്
ചീന്തിപ്പോയ ഹൃദയം താങ്ങി
ഇടര്‍ച്ചയോടെ ഇടയ്ക്കെത്തുന്ന
അര്‍ദ്ധ ബോധത്തില്‍
ദൈവത്തെ പ്രാകി കാലം കഴിക്കുന്നു
അച്ഛന്‍
വിയര്‍പ്പു തുള്ളികളില്‍
മരണം ചുര മാന്തുന്നത് ഞെട്ടിയറിഞ്ഞ്
കട്ടില്‍ തലയ്ക്കല്‍ മരവിച്ചിരിക്കുന്നു
മകള്‍
ശ്വാസം മുട്ടിപ്പിടഞ്ഞതിന്
പകരം നല്‍കപ്പെട്ട മിടിപ്പ്
ഉദരത്തിലേറ്റു വാങ്ങി
വീട്ടുകാരിയുടെ അതിജീവന മാര്‍ഗ്ഗം
കണ്ടെത്തിക്കഴിഞ്ഞു
മകന്‍
ഗതി നന്നാവില്ലെന്നറിഞ്ഞ്
നീലിച്ച പുക
നാസാ ദ്വാരങ്ങളിലൂടെ പുറത്തു വരുത്തി
പറക്കാന്‍ പഠിച്ചു കൊണ്ടിരിക്കുന്നു
വീട്
ഒരനക്കവുമില്ലാതെ
ചങ്കു പൊട്ടിക്കരയുന്നു
പൂട്ടിയടച്ചതിനുള്ളില്‍
ഒതുക്കിയൊതുക്കിപ്പിടിച്ച്
കൂനനായതു പോലെ
തുലാ വര്‍ഷം പെയ്തോടുങ്ങുമ്പോള്‍
കുമ്മായമടര്‍ന്ന ചുമരുകള്‍
ഹൃദയം പൊള്ളിയത്‌
കാട്ടിത്തരാറുണ്ട്
തുളഞ്ഞു കയറുന്ന രോദനങ്ങള്‍
ഇരമ്പലാകുമ്പോള്‍
പറഞ്ഞു തരാനാവാത്ത നോവുകള്‍
ശ്വാസം മുട്ടി മരിക്കുന്നത് നോക്കി
ചുമരുകള്‍ നിശ്വാസം മറക്കാറുണ്ട്
അമ്മ
ചവിട്ടിത്തേക്കപ്പെട്ട തുളസിക്കതിര് കണ്ട്
ചീന്തിപ്പോയ ഹൃദയം താങ്ങി
ഇടര്‍ച്ചയോടെ ഇടയ്ക്കെത്തുന്ന
അര്‍ദ്ധ ബോധത്തില്‍
ദൈവത്തെ പ്രാകി കാലം കഴിക്കുന്നു
അച്ഛന്‍
വിയര്‍പ്പു തുള്ളികളില്‍
മരണം ചുര മാന്തുന്നത് ഞെട്ടിയറിഞ്ഞ്
കട്ടില്‍ തലയ്ക്കല്‍ മരവിച്ചിരിക്കുന്നു
മകള്‍
ശ്വാസം മുട്ടിപ്പിടഞ്ഞതിന്
പകരം നല്‍കപ്പെട്ട മിടിപ്പ്
ഉദരത്തിലേറ്റു വാങ്ങി
വീട്ടുകാരിയുടെ അതിജീവന മാര്‍ഗ്ഗം
കണ്ടെത്തിക്കഴിഞ്ഞു
മകന്‍
ഗതി നന്നാവില്ലെന്നറിഞ്ഞ്
നീലിച്ച പുക
നാസാ ദ്വാരങ്ങളിലൂടെ പുറത്തു വരുത്തി
പറക്കാന്‍ പഠിച്ചു കൊണ്ടിരിക്കുന്നു
വീട്
ഒരനക്കവുമില്ലാതെ
ചങ്കു പൊട്ടിക്കരയുന്നു
പൂട്ടിയടച്ചതിനുള്ളില്‍
ഒതുക്കിയൊതുക്കിപ്പിടിച്ച്
കൂനനായതു പോലെ
തുലാ വര്‍ഷം പെയ്തോടുങ്ങുമ്പോള്‍
കുമ്മായമടര്‍ന്ന ചുമരുകള്‍
ഹൃദയം പൊള്ളിയത്‌
കാട്ടിത്തരാറുണ്ട്
