ഒരു നക്സൽ വെറുതെ വിടപ്പെടുന്നു

കാട് കാണാൻ പോയതാണ് 

കാട്ടു പന്നി ഓടിച്ചതാണ് 

വഴി തെറ്റിയതാണ് 

കാട് തീ കൊളുത്തിച്ചത്തത് 

മലകുലുക്കി കല്ലുരുട്ടിയത് 

ഒരു പുഴ വന്ന് 

മുക്കിക്കൊല്ലാൻ നോക്കിയത് 

സത്യമാണ് സാർ... 

ഓടി ഓടിയോടിപ്പോന്നതാണ് 

വഴി തെറ്റിയതാണ് 

അവളെ ചെന്നായ പിടിച്ചു പോയി 

അതെ സാർ , ചെന്നായ... 

പറഞ്ഞോളാം സാർ 

അല്ല സർ 

സാറിന്റെ പേരല്ല...

ചെന്നായ തന്നെയാണ് പിടിച്ചത് 

ചെന്നായ ...ചെന്നായ...