പാഠഭേദം

പാഠം ഒന്ന് : ഫെമിനിസം 

ഒറ്റവായനയില്‍
ഒതുങ്ങരുത്.

ഒരു ചുംബനം,
മിഴി കൂമ്പരുത്.
ഒരേ ഒരു നടുക്കം !
നിലവിളിയില്‍
തീര്‍ന്നു പോകരുത്.

നീ എന്നാല്‍ നീയാണ്
നീ മാത്രമാണ്.

കേള്‍ക്കുന്നില്ലേ ?!
നിന്ന് കത്തണം നീ.

ഇരുന്നും കിടന്നും കത്താം..
ജ്വലിക്കണം.
ആളിപ്പടരണം.

പാഠം രണ്ട് : നമ്മുടെ വീട് ( എന്റെ മാത്രം വീട് )

കുറിപ്പില്‍
മറക്കരുത്,
അജ്ഞാതനാമൊരു
അക്രമിയെ വരച്ചിടാന്‍.

പ്രിയപ്പെട്ടവളേയെന്ന്
സങ്കടപ്പെട്ടോളാം
നീയാണ് സത്യം..

മോള്ക്ക് ജലദോഷം...
നോക്കാനാള് വേണ്ടേ ?!
വിഷമിക്കരുത്,
പതിനെട്ടുവരെ കാത്തോളാം.