.....

26 August 2008

പ്രാര്‍ഥന

ചോദിച്ചുവോ
നിന്‍ പ്രാണ നാഥന്‍
പിരിഞ്ഞു പോകുമോ...?

മൌനം ജപിച്ചു
നിന്‍ മുമ്പില്‍
ശില പോല്‍ നില്‍ക്കവേ

മൃത്യുവിന്‍ പാദപതനം
കേള്‍ക്കുന്നു ഞാന്‍
നീ നടുങ്ങുമെന്നറിയാം,
ഉര ചെയ്‌വാന്‍ മുതിര്‍ന്നാല്‍

എന്നോമനെ,
പൊട്ടിത്തകര്‍ന്നു പോം
നിന്‍ മനം കാണുന്നു ഞാന്‍

ആവില്ല നിന്നശ്രു കാണുവാന്‍
എന്നധരം വിതുമ്പും
കണ്‍കളില്‍ നീര്‍ തുള്ളി തിളങ്ങും

മോതിര വിരല്‍ കാട്ടി
പറഞ്ഞില്ലേ..
ഹൃദയമവനായി
പകുത്തു നീയെന്ന് ...?!!

എന്നുള്ളിലൊരു
രക്ത സ്രാവം വന്നുവെന്ന്
എങ്ങനെ പറയും...?

അര്‍ബുദം
കരണ്ടു തീര്‍ത്ത മേനി
കാണട്ടെയെന്‍ മനക്കണ്ണില്‍

തെളിയട്ടെ നിന്‍
പ്രിയതമനെന്‍ മനസ്സില്‍
ഹൃദയം വിങ്ങുമ്പോഴും
ചുണ്ടുകള്‍ ഉരുവിടും പ്രാര്‍ഥന

അതു നിനക്കായി
എന്‍റെ പ്രണയോപഹാരം
ഹൃദയോപഹാരം