.....

24 October 2011

എനിക്ക് നിന്നെ പൊള്ളുന്നത്..

സ്വര്‍ഗ്ഗം തുറക്കുന്നത്
പകല്‍പ്പൂവ് വാടുമ്പോഴാണ്.
ഒറ്റയ്ക്കൊരാളെയും
കടത്തി വിടില്ല.

ഒറ്റയ്ക്കെന്ന്
ഓടിക്കയറുന്നവര്‍
മുഖമടിച്ച് വീഴുന്നുണ്ടാകും .

നിറഞ്ഞ കണ്ണുകളുമായി
പടികള്‍ക്കടുത്ത്
ചിലരുണ്ടാകും

കൂട്ടു ചെന്നവര്‍
മാറിപ്പോയതറിയാതെ
നനഞ്ഞ ചിരിചിരിച്ച്..

ഉപ്പു ചുവയിലും
സ്വര്‍ഗ്ഗവാസികള്‍ക്കായി
ആശംസകള്‍ നേരും

വിരഹനരകത്തില്‍
കണക്കെടുക്കുന്ന മാലാഖമാര്‍
ചീന്തിപ്പോയ ഹൃദയത്തിലേക്ക്
ചിലപ്പോഴൊക്കെ
ഒരു കുമ്പിള്‍ ജലമിറ്റിക്കും

ഓര്‍മ്മകള്‍ തളിര്‍ക്കുമ്പോള്‍
നരക വാതില്‍ വിടവിലൂടെ
നനഞ്ഞ മുത്തുകള്‍ വീഴും.

അന്നേരമാണ്
എനിക്ക് നിന്നെയും
നിനക്കെന്നെയും പൊള്ളുന്നത്..

5 comments:

hAnLLaLaTh said...

അന്നേരമാണ്
എനിക്ക് നിന്നെയും
നിനക്കെന്നെയും പൊള്ളുന്നത്..

ജയിംസ് സണ്ണി പാറ്റൂര്‍ said...

നല്ലൊരു കവിത വായിച്ചു ഞാന്‍

ശ്രീനാഥന്‍ said...

വിരഹനരകത്തിലേക്ക് ഒരു തുള്ളി!

Hillhsux said...

നല്ലൊരു കവിത വായിച്ചു ഞാന്‍

Sarath Payyavoor said...

നല്ല കവിത