.....

08 September 2014

മൈലാഞ്ചിക്കൈ...

നിനക്ക്
മുമ്പും ശേഷവുമെന്നത് ,
ക്രിസ്തുവിന്  മുമ്പെന്നും
പിമ്പെന്നും പോലെയല്ല

യുദ്ധശേഷം
സമാധാനം...!
നിനക്ക് മുമ്പേയുള്ളത്
നീയറിയാത്തത്...

അന്ന്,
മുള്‍വടിയുണ്ടായിരുന്നു.
ദേഹത്തുരച്ച്
മുള്ളാലുഴിഞ്ഞ്
നനയിക്കും.
മുള്മുനകൾ
ചിരിക്കുന്നത് കാണും

നിനക്ക് ശേഷമെന്നത്
നിനക്ക് മാത്രം
അറിയുന്നത്..!

മഞ്ഞുമ്മകളാൽ
വിവസ്ത്രനാക്കി,
വിരഹ മദപ്പാടുകളിൽ
ചുണ്ടുഴിഞ്ഞു.

കവിത
പ്രണയം
വിരഹനോവുകൾ
തീച്ചിന്തകൾ
പോയതിനെല്ലാം
പകരം;
മൈലാഞ്ചിക്കൈകൾ
ചൊടിയുമ്മകൾ..

നെറ്റിയിൽ
ഇമകളമർത്തി
ഒരു മഴ
ചിണുങ്ങുന്നു.

പിന്നിലോർമ്മ വഴിയിൽ
തീ കെടാതെ,
മുഖപുസ്തകത്തിൽ
പ്രണയപ്പിരാന്ത് ...!

വേണ്ട...!
തിരിവുകൾ
വളവുകൾ
ഒന്നുമില്ല.
നിറഞ്ഞ പകലും
തുടുത്ത രാവുകളും.
അത് മതിയെനിക്ക്.

3 comments:

ഹന്‍ല്ലലത്ത് Hanllalath said...

മുഖപുസ്തകം വിളിക്കുമ്പോൾ...

Cv Thankappan said...

നിറഞ്ഞ പകലും
തുടുത്ത രാവുകളും.
അത് മതിയെനിക്ക്.
ആശംസകള്‍

കുഞ്ഞൂസ് (Kunjuss) said...

മുഖപുസ്തകപ്രലോഭനത്തിൽ ....!