.....

06 November 2014

മരണത്തിലേക്ക് ഒരു നദി

പുരാതന നഗരത്തില്‍
ഉപേക്ഷിക്കപ്പെട്ട 
കപ്പലുകള്‍
കണ്ണു പൊത്തിയുറങ്ങുന്ന 
തുറമുഖം

ഉടലുകള്‍ കൊണ്ട്
പണിതിട്ട
വാസ്തുക്കളുണ്ട് 
നഗരത്തില്‍

വിദഗ്ദനായ ശില്‍പി
അസ്ഥികള്‍ കോര്‍ത്ത്
പൂക്കളവും 
തീര്‍ത്തിരിക്കുന്നു 

അതെ,
നമ്മളിപ്പോള്‍
നഗരത്തിന്‍റെ
മട്ടുപ്പാവില്‍
എത്തിയിരിക്കുന്നു.

മേഘങ്ങളുടെ
കണ്ണു തുറപ്പിച്ച് 
ആവോളം കാണണം 
നമുക്കുടലുകള്‍ 

നോക്കൂ,
നഗ്നതയുടുത്ത്
തീ കൊളുത്തുന്നത്

അവളുടെ 
അരക്കെട്ട്
ചിറ്റോളങ്ങള്‍ 
തീര്‍ക്കുന്നു.

നഗരം 
വിഷാദിയായ 
നദിയാകുന്നു;
കന്യാരക്തം വീണ് 
നദി വിറങ്ങലിച്ച്
വിറങ്ങലിച്ച്
മരിച്ച് പോകുന്നു

ഇനി
എഴുതിക്കോളൂ...
നഗരത്തോടൊപ്പം
മരിച്ച് പോയ
ഒരു നദി കൂടിയുണ്ട്.

5 comments:

Cv Thankappan said...

നഗരം മഹാസാഗരവും തീര്‍ത്ത്.................
ആശംസകള്‍

ഋതു said...

നഗരത്തോടൊപ്പം
മരിച്ച് പോയ
ഒരു നദി കൂടിയുണ്ട്.

ajith said...

വിദഗ്ദ്ധനായ ശില്പിയുടെ കവിത

ഒരു കുഞ്ഞുമയിൽപീലി said...

മരിച്ചു പോയ നദിക്കൊരു ചരമ ഗീതം...നല്ല ആവിഷ്കരണം

കീയക്കുട്ടി said...

ഇനി
എഴുതിക്കോളൂ...
നഗരത്തോടൊപ്പം
മരിച്ച് പോയ
ഒരു നദി കൂടിയുണ്ട്...

പേര് ഞാൻ എന്നോ നീയെന്നോ ..സ്നേഹം എന്നോ ??