.....

09 November 2010

കള്ളം

ശോണിമ പടര്‍ന്ന
കവിളുകളില്‍
നഖക്ഷതങ്ങളുണ്ട്‌

വിതുമ്പലടക്കിയ
അധരങ്ങളില്‍
രക്തമൂറ്റിയതിന്‍റെ
വിളര്‍ച്ചയുണ്ട്

ചീന്തിയ
അടിയുടുപ്പ്
നിലത്തിഴയുന്നുണ്ട്

ഒന്നും സംഭവിച്ചില്ലെന്ന്
പറയുമ്പോഴും
നിങ്ങളെന്തിനിതൊക്കെ
ആവര്‍ത്തിക്കുന്നു ...?

എന്‍റെ വാക്കുകള്‍
ശ്രവിക്കുക.
കള്ളമാണ് എല്ലാം....
എനിക്കൊന്നും നഷ്ടമായിട്ടില്ല.....!

26 comments:

hAnLLaLaTh said...

കള്ളമാണ് എല്ലാം....
എനിക്കൊന്നും നഷ്ടമായിട്ടില്ല.....!

junaith said...

നഷ്ടം നഷ്ടമാണെന്ന് തോന്നാത്തവര്‍ക്കിടയില്‍ ഇതൊക്കെ എന്ത് നഷ്ടം..

ജയിംസ് സണ്ണി പാറ്റൂര്‍ said...

അതവള്‍ പറഞ്ഞില്ലെങ്കിലോ
നീതിയുടെ തുലാസിലേറ്റി
ഉടുതുണിയഴിച്ച് നിറുത്തിച്ച്
വെറുതെ വിട്ടവരുടെ
വിജയഭേരിയാ ചങ്കു തകര്‍ക്കില്ലേ

പാവത്താൻ said...

എന്നു പറഞ്ഞു ഞങ്ങള്‍ക്കൊരാഘോഷം നഷ്ടമാക്കല്ലേ.. പ്ലീസ്.

chillu said...

അതെ എല്ലാം കള്ളമാണൂ..,എല്ലാം

മേഘമല്‍ഹാര്‍(സുധീര്‍) said...

നിന്റെ വിശ്വാസം നിന്നെ രക്ഷിക്കട്ടെ.

sm sadique said...

ചില കള്ളങ്ങൾ നിലനില്പിന്റെ കരവിരുതിനാൽ നിലത്തിഴഞ്ഞ് ഭൂമിക്കടിയിലേക്ക് …

പഞ്ചാരക്കുട്ടന്‍ said...

എല്ലാം കള്ളമാണ് ഇടക്കൊക്കെ ഇങ്ങോട്ടും ഒന്ന് വാ

ഇസ്മായില്‍ കുറുമ്പടി (തണല്‍) said...

എന്റെ മകള്‍ ബലാല്‍ക്കാരം ചെയ്യപ്പെട്ടു വീട്ടില്‍ വന്നാല്‍ ഞാന്‍ കെട്ടിപ്പിടിച്ചു കരയാതെ അവള്‍ക്കു കയ്യില്‍ സോപ്പ് വച്ച് കൊടുത്തു പോയി നന്നായി കുളിച്ചു വരാന്‍ പറയും- എന്ന് പണ്ട് മാധവിക്കുട്ടി (കമലാസുരയ്യ) പറഞ്ഞതോര്‍ക്കുന്നു.

കെട്ടുങ്ങല്‍ KettUngaL said...

ബ്ലോഗില്‍ അപൂര്‍‌വ്വമായി കാണുന്ന, വളരെനല്ല കവിത. ഭാവുകങ്ങള്‍...

സുജിത് കയ്യൂര്‍ said...

Kedu veena kaalam

salam pottengal said...

your writing style is simple and beautiful. meaningful lines.

salam pottengal said...

simple and beautiful lines. Thank you

Aneesa said...

അങ്ങനെ ആശ്വസിക്കട്ടെ ..

ശ്രീനാഥന്‍ said...

ഹൻലല്ലത്ത് (പേർ പറഞ്ഞു പഠിക്കയാണു ഞാൻ) ഇത് ഇരമ്പി !

വരികളിലൂടെ... said...

വളരെനല്ല കവിത. good one..short and simple

vakkeelkathakal said...

ആദ്യമായി എത്തിനോക്കിയതാണേ...
നന്നായിരിക്കുന്നു...
മൊഴി മുത്തുകൾ തേടി
ഇനിയുമെത്താം...

വില്‍സണ്‍ ചേനപ്പാടി said...

നൊമ്പരപ്പെടുത്തുന്ന വാങ്മയം.
സമകാലിക സംഭവം നിങ്ങള്‍
കരുതുന്നപോലെ ഒരു കള്ളമാകരുതെന്നു്
ഒരു പ്രാര്‍ത്ഥനയുണ്ട്.

വില്‍സണ്‍ ചേനപ്പാടി said...

നൊമ്പരപ്പെടുത്തുന്ന വാങ്മയം.
സമകാലിക സംഭവം താങ്കള്‍
കരുതും പോലെയൊരു കള്ളമാകാതിരിക്കട്ടെ

MUHAMMED RAMSHAD said...

അതെ എല്ലാം കള്ളമാണൂ..,എല്ലാം

sandra said...

Nannayittund varikal....

ഉമ്മുഫിദ said...

നഷ്ടങ്ങള്‍
ആഘോഷങ്ങലാക്കുന്നവരുടെ
ഇരമ്പലുകള്‍....
അതിനിടയില്‍
ആരും കേള്‍ക്കുന്നില്ല
ഇരകളുടെ രോദനം !

MyDreams said...

എല്ലാം കള്ളമാണ്

Nisha.. said...

ഇപ്പോഴാണ് ഈ വഴി വന്നത്... വന്ന ഉടനെ എല്ലാ കവിതകളും ഒറ്റയിരുപ്പില്‍ വായിച്ചു...
എല്ലാം അതി ഗംഭീരം... ഇത്രയും നാള്‍ വായിക്കാതിരുന്നതില്‍ ഖേദമുണ്ട്...
ആശംസകള്‍... നല്ല കവിതകളുടെ സൃഷ്ട്ടി കര്‍ത്താവിനു ഒരുപാട് നന്ദി...

Suma said...

Read more malayalam poyems .

pc said...

മാനന്തവാടി പുഴയിലൂടെ ആടി വാ പാടി വാ പാണനാരെ... .
കത്തുന്ന വാക്കുകള്‍, പൊള്ളുന്ന കവിത.
ഭാവുകങ്ങള്‍..