നന്ദി
തിരിച്ചൊഴുക്കിനെ
തടഞ്ഞതിന്
ഇവിടെ വരുമ്പോള്‍
നിന്നെ ശ്വസിക്കുന്നു.
ഒരു പൂമ്പാറ്റയായ്‌
ആത്മാവ്
വേര്‍പ്പെടുന്നു
പ്രണയമധു തേടി പറക്കുന്നു.
ചിറകു മുറിയും വരെ
പറക്കുന്നു
വേദനച്ചിറകുകളാല്‍
നിനക്കജ്ഞാതമാമൊരു ലോകം
കാണുന്നു.
പീഡാനുഭവത്തിന്മേല്‍
നിന്റെ സന്തോഷം
മാഞ്ഞു പോയ
വര്‍ഷകാലമാകുന്നു.
ആഭിജാരമെന്ന പോല്‍
ഓര്‍മ്മ നീരാളി
ഭൂതകാലച്ചുഴിയിലേക്ക്
വലിച്ചു പോകുന്നു
നീ പലരില്‍ ഒരാളെന്ന്
സമാധാനിക്കുന്നു.
അവസാനത്തെ അത്താഴം
ഓരോ നാളും
ഓര്‍മ്മകളെ ഊട്ടുന്നു
പകല്‍ വെളിച്ചം
ജീവിതം തുറക്കുമ്പോള്‍
നീ ദൂരെ ദൂരെ
ആകാശച്ചെരുവില്‍ മായുന്നു.
നോവുകളില്ലാത്ത ഒരുമ്മ
പിന്‍കഴുത്തില്‍ പതിയുന്നു.
5 comments:
ഒന്നിനുമായല്ലാത്ത
ചിലത്...
ഞാൻ പലരിൽ ഒരാളാണ്.ഒരായിരം വ്യത്യസ്ഥചിന്തകൾ പേറുന്നവൻ...
നന്ദി
തിരിച്ചൊഴുക്കിനെ
തടഞ്ഞതിന്
നോവുകളില്ലാത്ത ഒരുമ്മ
പിന്‍കഴുത്തില്‍ പതിയുന്നു.
നല്ല വരികള്‍
ആശംസകള്‍
ആഭിജാരമെന്ന പോല്‍
ഓര്‍മ്മ നീരാളി
ഭൂതകാലച്ചുഴിയിലേക്ക്
വലിച്ചു പോകുന്നു
:)
Post a Comment