.....

05 July 2008

പ്രവാസി

ചീന്തിയെറിഞ്ഞ
നോവുകള്‍ക്കിടയില്‍
നിന്‍റെ മുഖം തെളിയുമ്പോള്‍
ഓര്‍മ്മകളുടെ
ശവക്കൂനയില്‍ നിന്ന്
പ്രണയം
ചിറകടിക്കുന്നു

ആള്‍ക്കൂട്ടത്തിലലിഞ്ഞ്
ഹൃദയത്തിലൊളിപ്പിച്ച
വാല്‍മീകങ്ങളില്‍
അഭയം തേടുമ്പോള്‍
ഏകാന്തത
ചീവീടു പോലെ
അസ്വസ്ഥനാക്കുന്നു

പ്രയാണങ്ങളുടെ
ഒടുങ്ങാത്ത നൈരന്തര്യത്തില്‍
കിളിര്‍ത്ത് തുടങ്ങിയതും
കരിഞ്ഞുണങ്ങുമ്പോള്‍
കിനിഞ്ഞിറങ്ങുന്ന
ചോര തുടച്ച്
മൌനം
കണ്ണുനീരിനു വഴി മാറുന്നു

വേരുറയ്ക്കും മുമ്പേ
പറിച്ചു നടുമ്പോള്‍
മണ്‍ വെട്ടികളില്‍
തട്ടിത്തെറിക്കുന്ന
ചോരക്കുഞ്ഞുങ്ങള്‍
വിതുമ്പാനറിയാത്ത
ഊമകളാവുന്നത്
നിന്‍റെ കുറ്റമല്ല

നഗരം
ആലസ്യത്തില്‍ നിന്നും
അനുഭൂതികള്‍
നുകര്‍ന്നുറങ്ങുമ്പോള്‍
തികട്ടി വരുന്ന നോവുകള്‍
നാണയക്കിലുക്കത്തില്‍
ഞെരിഞ്ഞമരുന്നു

വരണ്ടുണങ്ങിയ
നിന്‍റെ ഞരമ്പുകളോരോന്നും
അസ്വസ്ഥതയുടെ
എല്ലുകള്‍ തീര്‍ക്കുന്ന
തടവറയില്‍ നിന്ന്
മോചനമാശിച്ച്
ചിതറിത്തെറിച്ച്.....

ഇപ്പോള്‍ ഞാന്‍ നിന്നെ
മനസ്സിലാക്കുന്നു
ഞാന്‍ നീയായിരുന്നു
നീ എന്‍റെതു മാത്രവും
എന്‍റെ
മാത്രമായ മണ്ണ്...!

10 comments:

siva // ശിവ said...

ഈ വരികള്‍ ഇഷ്ടമായി...

സസ്നേഹം,

ശിവ

കാവാലം ജയകൃഷ്ണന്‍ said...

ഇവിടെ വന്നുറയുന്നു സ്നേഹം
ഇവീടെ വന്നലിയുന്നു ദുഃഖം
ഇവിടെവന്നലിയാതനന്തമായ് തീരുന്നു
ചില നൊമ്പരങ്ങള്‍ തന്‍ മുറിവു മാത്രം...

ആശംസകള്‍

ജയകൃഷ്ണന്‍ കാവാലം

അനൂപ് അമ്പലപ്പുഴ said...

നീ ആരാണു?

മിന്നാമിനുങ്ങുകള്‍ //സജി.!! said...

ഒരുപാട് ചിന്തകളാണല്ലൊ മാഷെ നന്നായിട്ടുണ്ട്..
വരികള്‍ക്കൊക്കെ ശക്തിയും കുറേ ഉത്തരം കിട്ടാത്ത ചോദ്യങ്ങളും,

ഹന്‍ല്ലലത്ത് Hanllalath said...

നന്ദി എല്ലാവര്‍ക്കും ....
അനൂപ് ചേട്ടാ

ഇനിയും മനസ്സിലായില്ലേ...?

ഹാരിസ്‌ എടവന said...

നഗരം
ആലസ്യത്തില്‍ നിന്നും
അനുഭൂതികള്‍
നുകര്‍ന്നുറങ്ങുമ്പോള്‍
തികട്ടി വരുന്ന നോവുകള്‍
നാണയക്കിലുക്കത്തില്‍
ഞെരിഞ്ഞമരുന്നു

good ..keep it up

ആമി said...

മനോഹരമായിരിക്കുന്നു..ചിന്തിപ്പിക്കുന്ന വരികളാണ് ഒരോ കവിതയിലും
ആശംസകള്‍

Muhammed Sageer Pandarathil said...

കുറേ ഉത്തരം കിട്ടാത്ത ചോദ്യങ്ങള്‍.

Remya said...

varikkal ellam kollam........... vallapozhum enneyum orkuka..........~!!!!!

Orupadu chinthipikkunnu e varikal......... nandi.....!!!!

എഴുത്തോല.. said...

good , keep it up...George Mathew Cheriyath