അമ്മെ,
മിഠായി വേണമെന്നിനി
മോള് പറയില്ല
അമ്മ കരഞ്ഞാല്‍
മോള്‍ക്കും കരയാന്‍ വരും
കരയാതമ്മേ...
ചിരി മഴയെന്നു
മോളെ നോക്കിപ്പറയമ്മേ...
കിലുകിലെയമ്മയും
ചിരിക്കമ്മേ..
അമ്മെ,
ഇന്നുച്ചയ്ക്കമ്മുവെന്നോട്
പിണങ്ങി
അമ്മയിനീം
കണ്‍ തുറന്നില്ലേല്‍
മോളൊറ്റയ്ക്ക്
പുഴക്കരയില്‍ പോകും
കരടി വന്നു മോളെ പിടിക്കട്ടെ
കഴുത്തിലാണോ
അമ്മെ ഊഞ്ഞാല് കെട്ടുന്നേ..?
ഒന്ന് മിണ്ടമ്മേ...
മോള് സത്യായും പോകുമേ....
30 comments:
"...ചിരി മഴയെന്നു
മോളെ നോക്കിപ്പറയമ്മേ...
കിലുകിലെയമ്മയും
ചിരിക്കമ്മേ...."
ഹന്‍ലല്ലത്തിന്റെ മറ്റു കവിതകളുടെ മൂര്‍ച്ച ഇതിനു തോന്നിയില്ല...എവിടെയൊക്കെയോ എന്തോ ഒരു കുറവ് പോലെ...എന്‍റെ തോന്നലാവാം....സസ്നേഹം
നിസ്സഹായതയുടെ ബാക്കി പത്രം...ജീവിതത്തില്‍ തനിച്ചായി പോകുന്ന നൊമ്പരം.. വരികളില്‍ ആ നൊമ്പരം തിരിച്ചറിയുന്നു...ആശംസകള്‍..
ലളിതം... നന്നായിട്ടുണ്ട്
നോവിന്റെ വരികൾ, അല്ല മുറിവുകൾ. ഒരിക്കലും ഉണങ്ങാത്ത മുറിവുകൾ.
ഭായി, ഉദേശിച്ചത്‌ പറയുവാൻ മറന്നുവോ, അതോ വരി തെറ്റിയോ.
കരയുന്ന അമ്മയുടെ ചിത്രം യോജിക്കുന്നില്ല.
Sulthan | സുൽത്താൻ
.
ജീവിതത്തില്‍ തനിച്ചായി പോകുന്ന നൊമ്പരം തിരിച്ചറിയുന്നു.........
നന്നായിട്ടുണ്ട്
ചിരിമറന്നമ്മതന്‍, പൂപുഞ്ചിരി മറന്നുറങ്ങുമീ ലോകവുമതിലൊ രു കുഞ്ഞുമോളും.......... കരയാതെ,കരയിക്കും.
യാത്രികനോട് യോജിക്കാന്‍ തോന്നുന്നു.. മറ്റു കവിതകളുടെ ഫീല്‍ ഇല്ല.. എന്നാലും നൊമ്പരം ബാക്കി നിര്‍ത്തുന്നുണ്ട്..
'അമ്മെ,
ഇന്നുച്ചയ്ക്കമ്മുവെന്നോട്
പിണങ്ങി
അമ്മയിനീം
കണ്‍ തുറന്നില്ലേല്‍
മോളൊറ്റയ്ക്ക്
പുഴക്കരയില്‍ പോകും
കരടി വന്നു മോളെ പിടിക്കട്ടെ'
നല്ല വരികള്‍..
കവിതയുണ്ട്.
വേദനയുണ്ട്.
സത്യമുണ്ട്.
അവസാന വരികള്‍
ഒന്നൂടെ കുറുക്കാമാരുന്നു..
ഭാവുകങ്ങള്‍...
കഴുത്തിലാണോ
അമ്മെ ഊഞ്ഞാല് കെട്ടുന്നേ..?
ഒന്ന് മിണ്ടമ്മേ...
മോള് സത്യായും പോകുമേ..
എന്താടാ ഇത്.ഇങ്ങനെ വിഷമിപ്പിക്കാതെ
ലളിതമായ വരികള്‍. അതുകൊണ്ടെനിക്കു മനസ്സിലായി. വേദനയും.
ലളിതസുന്ദരം
കഴുത്തിലാണോ
അമ്മെ ഊഞ്ഞാല് കെട്ടുന്നേ..?
ഇത്രയ്ക്ക് ലളിതമായ ഒരു ചോദ്യം!!!!
തൂങ്ങിമരണത്തിന്റെ ഒരു പൊയ്റ്റിക് ഇന്റര്‍പൊട്ടേഷന്‍...
മാഷേ....അതിമനോഹരം....
കഴുത്തിലാണോ
അമ്മെ ഊഞ്ഞാല് കെട്ടുന്നേ..?
വളരെ നല്ല ചോദ്യം.ചോദ്യത്തിന്റെ ആഴം അളക്കാനാവുന്നില്ല. നന്നായി!
മനോഹരമായി
സിമ്പിള്‍.. ഇഷ്ട്ടമായി..
കഴുത്തിലാണോ
അമ്മെ ഊഞ്ഞാല് കെട്ടുന്നേ..?
vendayirunnu han
എല്ലാവരും പറഞ്ഞ പോലെ ഈ വരികള്‍ കഴുത്തിലാണോ
അമ്മെ ഊഞ്ഞാല് കെട്ടുന്നേ..? വളരെ ഇഷ്ടായി
കഴുത്തില്‍ ഊഞ്ഞാലു കെട്ടിയ വരികള്‍ ലളിത മനോഹരം ഹള്ളൂ.ഒപ്പം ഈ ലോകത്ത് തന്നെ ഒറ്റക്കാക്കി പോയ അമ്മയുടെ ക്രൂരതയും നിഴലിക്കുന്നു വരികളില്‍.
അതെ ആ വരികള്‍, വേദനയുടെ ആഴം..., ഹൃദയത്തില്‍ വീണ്ടും മുറിവുകള്‍ തന്നെയല്ലോ....
സങ്കടപ്പെടുത്തല്ലേ......പ്ലീസ്.
വികാരം കൊണ്ട് വീര്‍പ്പുമുട്ടുകയാണ് കവിത. ചിലപ്പോള്‍ നിങ്ങള്‍ കരഞ്ഞിരിക്കും ഇത് എഴുതി കഴിഞ്ഞപ്പോള്‍. അല്ലേ?
oru nombarathe thotunarthikondula kavitha nanayiketo
കഴുത്തിലാണോ
അമ്മെ ഊഞ്ഞാല് കെട്ടുന്നേ..?
ഒന്ന് മിണ്ടമ്മേ...
മോള് സത്യായും പോകുമേ..
...നന്നായെഴുതി.
കവിത തൊണ്ടയിലൊരു ഗദ്ഗദമായി നിറഞ്ഞു. നിശ്വാസത്തിലൊരു നനവായി പടര്‍ന്നു. മനോഹരം..!
ഒറ്റക്ക് പുഴക്കരയില്‍ പോയാല്‍ കരടി വന്നു പിടിക്കും എന്ന് പറഞ്ഞു വിലക്കിയ അമ്മ എന്തേ ആ കുരുന്നു ഈ ഭൂമിയില്‍ തനിച്ചാകും എന്ന് ഓര്‍ത്തില്ല ?
എന്താ അമ്മേ ഇത്...
ഇങ്ങനെ കരയിക്കല്ലേ...
എന്താ അമ്മേ ഇത്...
ഇങ്ങനെ കരയിക്കല്ലേ...
Post a Comment